Хөл бөмбөгийн Дэлхийн аварга шалгаруулах тэмцээн үргэлжилж байна. Өнөөдөр болсон хоёр тоглолтын дараа ДАШТ-ий бүх цаг үеийн мэргэн буучдын жагсаалтад өөрчлөлт ороод байна. 

Тодруулбал Аргентины шигшээ багийн ахлагч Лионель Месси 18 гоолтойгоор энэ жагсаалтыг ганцаараа тэргүүлж эхэлсэн. 

Тэгвэл тус тоглолтын дараа болсон Франц болон Иракын тоглолтод 3:0 гэсэн онооны харьцаагаар Францын шигшээ баг хожил авлаа. 

Энэ тоглолтод Килиан Мбаппе хоёр гоол оруулснаар ДАШТ-д оруулсан өөрийн нийт гоолын тоог 16 болгож, жагсаалтын хоёрт Мирослав Клозе хамт бичигдэж эхэллээ. 

Германы тамирчин Мирослав Клозе 2026 оны ДАШТ хүртэл бүх цаг үеийн мэргэн буучаар нэрлэгдэж байв. 

Мбаппегийн хувьд гурав дахь ДАШТ-дээ оролцож буй. Тэрбээр 2018 оны ДАШТ-д гурав, 2022 оны ДАШТ-д найм, энэ ДАШТ-д одоогийн байдлаар дөрвөн гоол оруулаад байна.