Монголын геологийн холбоо нь 1996 онд байгуулагдсан бөгөөд өнөөдөр Монголын хамгийн олон геологичдын гишүүнчлэлтэй, салбарын ууган мэргэжлийн байгууллага юм.

Бид нийт гишүүдийнхээ өмнөөс мэдэгдэл гаргаж байна. Сүүлийн үед хайгуулын салбар дахь эрх зөрчигдөж, мэргэжлийн үйл ажиллагаанд саад учруулж буй нөхцөл байдал бий болсон нь геологичдын эрх ашгийг хохироож, салбарын хөгжилд сөргөөр нөлөөлж байна.

Монголын геологийн холбоо нь гишүүдийнхээ мэргэжлийн нэр хүнд, хууль ёсны эрхийг хамгаалах, салбарын тогтвортой хөгжлийг хангахын төлөө дуу хоолойгоо нэгтгэн гаргаж байгаа бөгөөд энэхүү мэдэгдэл нь зөвхөн холбооны байр суурь бус, салбарын нийт геологичдын хүсэл зоригийг илэрхийлж байна гэжээ.