Олимпын эрхийн оноо олгох “Улаанбаатар Их дуулга-2026” тэмцээний -48 кг-ын жинд ДАШТ-ий нэг мөнгө, хошой хүрэл медальт Кога Вакана түрүүлэв. Тэрээр Их дуулга ангиллын тэмцээнээс дөрөв дэх алтан медалиа авсан нь энэ юм. 

Харин БНХАУ-ын тамирчин, энэ оны Азийн АШТ-ий хүрэл медальт Вэнна Жуан Их дуулга тэмцээнд гурав дахиа финалдаад гурван мөнгөн медальтай боллоо. 

Туркийн Тугчэ Бэдэр нутаг нэгт Эрсин Сылаг торгуулиар ялж, өнгөрсөн оны ДАШТ-ий хүрэл медальт Лаура Мартинес Абеленда, Бельгийн Лоис Петитийг үүрэх мэхээр буулган авч хүрэл медалийг гардсан юм. 

"Улаанбаатар Их дуулга-2026" тэмцээний -48 кг-ын дүн: 
1. Кога Вакана (Япон)
2. Вэнна Жуан (БНХАУ)
3. Тугчэ Бэдэр (Турк) 
3. Лаура Мартинес Абеленда (Испани)
5. Эрсин Сыла (Турк)
5. Лоис Петит (Бельги)
7. Ширине Боукли (Франц)
7. Диана Буркиева (Казахстан)

"УЛААНБААТАР ИХ ДУУЛГА-2026" ТЭМЦЭЭНЭЭС ХҮРЭЛ МЕДАЛЬ ХҮРТСЭН АНЭУ-ЫН ЛЕГИОНЕР ТАМИРЧИН Б.ХОРЛООДОЙ:



Эх сурвалж: Монголын Жүдо бөхийн Холбоо 

"Улаанбаатар Их дуулга-2026" тэмцээний -60 кг-ын дүн:

1. Балабей Агаев (Азербайжан)
2. Рюжю Нагаяма (Япон)
3. Бямбасүрэнгийн Сүхбат (Монгол)
3. Ижак Ашпиз (Израиль) 
5. Гиорги Сардалашвили (Гүрж) 
5. Ахмад Юсифов (Азербайжан) 
7. Ян Юн-Вэй (Тайвань)
7. Түвшинтөрийн Түмэнжаргал (Монгол)

АБЭ ҮТА 12 ДАХЬ ИХ ДУУЛГАДАА АВАРГАЛАВ

“Улаанбаатар Их дуулга-2026” тэмцээний -52 кг-ын жинд олимпын аварга, дэлхийн аваргын таван түрүүтэй Абэ Үта түрүүллээ. Тэрбээр 12 дахь Их дуулгадаа түрүүлсэн нь энэ юм. Мөн олон улсын тэмцээнүүд дэх түүний дараалсан ялалтын тоо 17-д хүрлээ.

Харин 2024 оны дэлхийн аварга, олимпын наадмын мөнгө, хүрэл медальт Жиуффрида Одетте бэртлийн улмаас шигшээ барилдаанд гарч ирээгүй тул мөнгөн медаль зүүхээр болов. 

Энэ жингийн хүрэл медалийг АНЭУ-ын легионер тамирчин Бишрэлтийн Хорлоодой, Унгарын Рэка Пупп нар хүртсэн. Рэка Пуппийн хувьд, нутаг нэгт Роза Дьэртьашийг ялж, Улаанбаатар Их дуулгын хошой хүрэл медальтай боллоо. Харин Б.Хорлоодой, Испанийн Ариане Торо Солерийг нэмэлт цагт буулган авч эх орныхоо дэвжээнээс Их дуулга ангиллын тав дахь медалиа хүртсэн юм. 

-52 КГ-ЫН ЖИНД ТҮРҮҮЛСЭН ОЛИМПЫН АВАРГА, ДЭЛХИЙН ТАВАН УДААГИЙН АВАРГА АБЭ ҮТАГИЙН СЭТГЭГДЭЛ:
 

"Улаанбаатар Их дуулга-2026" тэмцээний -52 кг-ын дүн:

1. Абэ Үта (Япон)
2. Жиуффрида Одетте (Итали)
3. Бишрэлтийн Хорлоодой (АНЭУ) 
3. Рэка Пупп (Унгар) 
5. Роза Дьэртьаш (Унгар) 
5. Ариане Торо Солер (Испани)
7. Маша Баллхаус (Герман)
7. Наоми Ван Кревел (Нидерланд)