2026 оны хөл бөмбөгийн Дэлхийн аварга шалгаруулах тэмцээний хэсгийн шатны хоёр дахь тойргийн тоглолтууд үргэлжилж байна. Энэ жилийн ДАШТ-ийг АНУ, Канад, Мексик гэсэн гурван улсад зохион байгуулж буй. 

Зохион байгуулагч Канад улс хоёр дахь тоглолтоо Катар улсын шигшээ багтай хийж 6:0 гэсэн онооны харьцаагаар хожил авлаа. Энэ нь тус улсын хувьд ДАШТ-ий анхны хожил нь болж байна. 

Катарын хувьд хоёр ч тамирчин нь улаан хуудас авч, талбайг орхисон бөгөөд есөн хүнтэйгээр тоглолтоо өндөрлүүлсэн юм.

В хэсэгт байгаа Швейцар улсын шигшээ баг мөн Босни-Херцеговиныг 4:1 гэсэн онооны харьцаагаар хожсоноор Канадтай хамт хэсгээ тэргүүлж байна.