Зургаадугаар сарын 13-ны бямба гарагийг албинист буюу цагаарсан арьстай хүмүүсийн эрхийг хамгаалах, тэдний талаарх ойлголтыг нэмэгдүүлэх олон улсын өдөр хэмээн НҮБ-аас зарлажээ. 

Албинизм нь арьс, үс, нүдний өнгийг үүсгэдэг меланин хэмээх будгийн пигментийн хэсэгчилсэн болон бүрэн дутагдлаас үүсдэг удамшлын эмгэг өөрчлөлт бөгөөд албинизмтай эцэг, эхээс төрөх магадлалтай гэж үздэг.

Албино хүмүүсийн арьс, хараа маш мэдрэг. Арьс, үс, нүдний өнгийг маш цайвар эсвэл бүр цагаан болгодог бөгөөд өөрийн өнгөгүй арьстай болсон тохиолдолд нарны гэрэлд илүү мэдрэмтгий учир арьсны гэмтэл болон арьсны хорт хавдар тусах эрсдэл нь илүү өндөр байдаг аж.