“Монголын төмөр зам” ТӨХК-ийн Хүүхэд хамгаалал, гэр бүлийг дэмжих орон тооны бус зөвлөлөөс ажилтнууддаа зориулан “Угийн бичиг хөтлөх” сургалтыг амжилттай зохион байгууллаа.

Сургалтыг Төмөр замын их сургуулийн НХУТ-ийн эрхлэгч, доктор (Ph.D) Дорждэрэмийн Бүдсүрэн удирдан явуулсан бөгөөд дараах чухал сэдвүүдийг хөндлөө:

• Угийн бичиг хөтлөх арга зүй;
• Монголчуудын үр хүүхдэдээ ёс суртахууны боловсрол олгож ирсэн уламжлал;
• Орчин үеийн ёс суртахууны боловсрол.

Сургалтын зорилго нь ажилтнуудын гэр бүл, нийгмийн орчин дахь хүүхдийн аюулгүй байдлыг хангах, хүүхдэд ээлтэй орчин бүрдүүлэх, ажилтны ажил, амьдралын тэнцвэрт байдлыг дэмжих болон хүүхдийн хөгжлийг дэмжихэд чиглэгдсэн гэж мэдээллээ.