Хүүхдийн төрсний гэрчилгээг хуурамчаар үйлдэж, 18 жилийн турш хүүхдийн тэтгэмжийг хууль бусаар авсан этгээдийг баривчилжээ.

Тодруулбал, тус этгээд ойрын хамаарал бүхий эмэгтэйгийн хүүхэд төрүүлсэн эмнэлгийн бичгийг ашиглан, "Б" гэх нэрээр хуурамч төрсний гэрчилгээг гаргуулжээ.

18 жилийн турш буюу 2006-2024 оныг хүртэлх хугацаанд сар бүр олгодог хүүхдийн мөнгөн тэтгэмжийг бэлнээр болон арилжааны данс ашиглан хууль бусаар авч байсныг илрүүлсэн байна. Мөн тус иргэн цагдаагийн байгууллагад өгсөн мэдүүлэгтээ 18 настай "Б" -г алга болсон талаар худал мэдээлэл өгсөн нь шалгалтын явцад тогтоогджээ.

Иймд тус этгээдийг Сонгино-Хайрхан дүүргийн эрүүгийн хэргийн анхан шатны шүүхээс Монгол улсын эрүүгийн хуулийн тусгай ангийн 18.12-р зүйлийн нэг дэх хэсэгт заасан "Хууль бусаар нийгмийн халамж, үйлчилгээг авах гэмт хэрэг үйлдсэн" гэх гэмт буруутайд тооцож зорчих эрхийг нь 2 жил 6 сараар хязгаарласан байна.

Эх сурвалж: ЦЕГ