Цагдаагийн байгууллагаас Улаанбаатар хотын Хэвлэл мэдээлэл, олон нийттэй харилцах албаны ахлах ажилтан бүсгүйн гэрт нэгжлэг хийж, өнөө өглөө /2026.05.19/ 04.00 цагийн орчимд гэрээс нь баривчилжээ. Цагдаагийн байгууллагаас мэдүүлэг, тайлбар авах тухай урьдчилж албан бичиг, мэдэгдэл өгөөгүй гэнэт баривчилсан байна.  

Ямар шалтгаанаар баривчилсан талаар албаны эх сурвалжаас тодруулахад, Энэ талаар бид ямар ч мэдээлэлгүй байна. Бид нар нийслэлийн өдөр тутмын мэдээллийг бичиж, түгээдэг л ажилтай хэвлэлийн ажилтнууд. Бага насны дөрвөн хүүхэдтэй хүнийг яагаад баривчилсан талаар мэдээлэл одоогоор алга гэв.

Ерөнхий сайд Н.Учрал өнгөрсөн ням гарагт нийслэлийн Засаг дарга Х.Нямбаатарыг огцруулахаа мэдэгдсэн. ЗГХЭГ-ын дарга Б.Энхбаяр өчигдөр хотын даргын тамгыг Нийслэлийн Засаг даргын орлогч Мөнхбатад шилжүүлж, түүнийг үүрэг гүйцэтгэгчээр томилоод буй юм.