Улсын Филармони 2026 оны тавдугаар сарын 15-ны 19:00 цагт “Symphonic Gems of the World” буюу “Хөгжмийн эрдэнэс” тоглолтоо Улсын Филармонийн концертын танхимд толилуулах гэж байна.

2025 оноос уламжлал болгон зохион байгуулж эхэлсэн энэхүү цуврал тоглолт нь дэлхийн сонгодог хөгжмийн сор болсон бүтээлүүдийг нэгэн тайзнаа эгшиглүүлдгээрээ онцлогтой. Энэ удаагийн тоглолтоор нэрт хөгжмийн зохиолч Л.В.Бетховен, В.А.Моцарт, П.И.Чайковский, Сергей Рахманинов, Эдвард Элгар, Фердинанд Давид, Франц фон Зуппе нарын бүтээлүүд сонсогчдын хүртээл болох юм.

Мөн тоглолтод виолончель хөгжимчин Д.Амармэнд, гобой хөгжимчин Г.Долгорсүрэн, тромбон хөгжимчин Э.Хүслэн-Эрдэнэ нар гоцлон тоглоно.

Тоглолтыг Монгол Улсын Урлагийн гавьяат зүтгэлтэн Д.Нямдаш болон удирдаач Ж.Доржсүрэн, Т.Пүрэвсүх, Г.Шинэбаяр нар удирдан толилуулж, симфони оркестрын сүр хүч, сонгодог урлагийн гайхамшгийг үзэгч, сонсогчдод мэдрүүлэхээр бэлтгэжээ.

Тасалбар худалдаалах цэгүүд:

• Онлайн: ticket.mn
• Улсын Филармонийн касс
• Спортын төв ордны урд Хаан банктай байрны 5 давхар дахь Ticket.mn оффис
• Shangri-La Mall-ийн B1 давхар дахь M Trip
• Emart-ийн дөрвөн салбарын хэрэглэгчийн үйлчилгээний төв
• Номин Өнөр хороолол, Номин Юнайтед, Номин Макро салбарууд

Лавлах утас: 7011-8012, 9691-6565