Японы хөнгөн хүнсний томоохон үйлдвэрлэгч Calbee Ираны дайны улмаас хэвлэлийн бэхний түүхий эдийн нийлүүлэлт доголдож, зарим бүтээгдэхүүнийхээ савлагааг түр хугацаанд хар, цагаан өнгөтэй болгохоор болсон байна.

Тус компани энэ сарын 25-наас эхлэн чипс болон сам хорхойн амттан зэрэг нийт 14 бүтээгдэхүүнийг шинэ савлагаатайгаар худалдаана гэж мэдэгджээ.   

Ойрх Дорнод дахь хурцадмал байдлын улмаас түүхий эдийн нийлүүлэлт тогтворгүй болсон тул бүтээгдэхүүнийг тогтвортой нийлүүлэхийн тулд ийм арга хэмжээ авч байгаа гэв. 

Энэ нь АНУ, Израил болон Ираны хооронд үүссэн мөргөлдөөний улмаас Ормузын хоолойг хаасантай холбоотой юм. 

Үүний улмаас дэлхийн олон компани түлш, хуванцар, гели зэрэг түүхий эдийн нийлүүлэлт тасалдаж, зардал өсөж буйг мэдээлсэн. 

Мөн Японы Mizkan компани полистирол материалын хомсдолоос болж зарим бүтээгдэхүүний борлуулалтаа зогсоож, заримынх нь үнийг нэмсэн байна.

Үүний зэрэгцээ Toyota болон Hyundai зэрэг автомашин үйлдвэрлэгчид түүхий эдийн үнэ өсөж, борлуулалт буурсны улмаас ашиг нь буурсан гэж мэдэгджээ.

Мөн дэлхийн олон агаарын тээврийн компани шатахууны үнэ өссөнтэй холбоотойгоор нислэгүүдээ цуцалж, зарим нь дампуурлаа ч зарласан.

Эх сурвалж: ВВС