Их Британийн засгийн газрын гишүүд ерөнхий сайд Кир Стармерийг огцрохыг шаардаж эхэллээ. 

Үүний өмнө сөрөг хүчнийхэн түүнийг суудлаа өгөх хэрэгтэй хэмээн шүүмжилж байсан юм.

Тэгвэл эрх баригч Хөдөлмөрийн нам хоёр хуваагдсанаар нам дотроосоо ч Стармерийг огцруулах саналтай гишүүдийн тоо нэмэгдсээр байна. 

Үүний дараа ерөнхий сайд Кир Стармер эсэргүүцсэн мэдэгдэл хийж "Эмх замбараагүй байдалд үүсгэвэл уучлахгүй" хэмээгээд өөрийг нь шүүмжлэгчдийг буруу гэдгийг нотолно гэв.   

Тэрбээр засгийн газар алдаа гаргасныг хүлээн зөвшөөрсөн ч улс төрийн томоохон шийдвэрүүдийг зөв гаргасан хэмээн онцолжээ. 

Ерөнхий сайдыг огцруулах гэсэн парламентын гишүүд Стармерийг олон нийтийн итгэлийг алдсан гэж үзэж буйгаа мэдэгдсэн.

Их Британи даяар болсон орон нутгийн сонгуульд Хөдөлмөрийн нам 1500 суудлаа алдсаны дараа Стармерт ирэх шахалт улам нэмэгдсэн байна. 

Тус нам Уэльст олон жилийн турш тогтоосон улс төрийн ноёрхлоо алдаж, засгийн эрхээс шахагдсан бол Шотландын парламентын сонгуульд 129 суудлаас ердөө 17-г авч хамгийн муу үр дүн үзүүлжээ.

Эх сурвалж: The Guardian