Зам тээврийн сайд  Б.Дэлгэрсайхан МТЗ-д үүсээд байгаа асуудалтай холбогдуулан мэдээлэл өгөв. 

Тэрээр, "20 жилийн өмнө миний хамаарал бүхий хувийн компани болох "Болд Төмөр Ерөө Гол" С.Баяр Ерөнхий сайд байхад нь төмөр зам тавих ажлыг авч хэрэгжүүлсэн. Тухайн үед хувийн төмөр зам бүү хэл авто зам зам барих ААН байгаагүй. Гурван ААН төмөр замын зөвшөөрөл авсан ч MCS-ийн замыг улс төржүүлж тавиулаагүй шүү дээ.

Би төрийн жилд хоёргүй сэтгэлээр зүтгэдэг. Гэтэл надтай холбоотой худал мэдээллийг өнөөдрөөс сэтгүүлчдэд төлбөр төлж түгээв. Иймд би та бүхэнд тайлбар хэлж байна. Төмөр замын тээврийн үнийг бид тогтоодоггүй. Монополын эсрэг газар үнийг хянадаг. Мөн намайг Төмөртэйн ордтой холбож гүтгэсэн.

Энэ бол стратегийн орд. Шаардлагатай гэвэл хууль хяналтын байгууллага шалгах биз. Сэтгүүлчид ташаа мэдээлэл түгээсэнд би маш их харамсаж байна. Гашуунсухайтаас Цагаан хад хүртэл 19.2 км авто зам бий. Энэ замыг "Смарт эко" компани авах шаардлагыг надад удаа дараа хэлсэн.

Төрийн өмчит зам тул хувийн хэвшилд олгохгүй гэдээ би хэлсэн. Тэд миний эсрэг гүтгэх ажлыг хийж хонзогнож байна. Тэд яамны мэдлийн замыг дур мэдэн хучсан, хамгаалалт тавьж, бусад машиныг явуулаагүй. Иймд машинууд арга буюу шороон замаар явж, осол гарч, хүний амь үрэгдсэн.

Би хуулийн байгууллагад энэ асуудлаар 10-аад удаа албан бичиг явуулсан. Гэвч тэд өөрсдийнхөөрөө зүтгэсээр байна. Би арга буюу үнэнийг хэлж байна. Хэрэв би тухайн ААН-ийн хүсэлтийг биелүүлбэл өмнөх сайд Б.Энх-Амгалан шиг хэрэгт орно. Сайд улсын замыг дур мэдэн, албан тушаалаа ашиглаж хувийн хэвшилд шилжүүллээ гээд Б.Энх-Амгалан, З.Энхболд нар саяхан ял авсан шүү дээ. Та бүхэн мэдэж байгаа. 

Миний мэдээлэл өгөх дараагийн сэдэв нь "Монголын төмөр зам" юм. Би яамныхаа дотоод аудитаас асуулаа. Нэг компанид таван удаагийн тендер өгчээ. Иймд Эрүүгийн цагдаагийн газраас шалгаж, ямар ч ажлын гүйцэтгэлгүй компанид 9 тэрбум төгрөг шилжүүлсэн үйлдлийг нь шалгаж байна. Хуулийн байгууллагууд үүнийг үргэлжлүүлээд шалгах байх. 

"Батжин" компани тавдугаар сарын 1-нд өөр хүнд компаниа шилжүүлээд, захирал н.Ганхуяг нь хилээр гарч явжээ. Би энэ хүнийг танихгүй, барааг нь ч хараагүй. Надад н.Ганхуяг гэдэг нэртэй дүү бүү хэл хамаатан ч байхгүй. Би бизнес хийдэг байхдаа нэг ч удаа тендерт орж үзээгүй, үүнийг би баттай хэлнэ. Ганхуяг "Би мөнгө аваагүй, захирлууд авсан гэжээ". Хуулийнхан үнэнийг тогтооно.  

Оны өмнө ҮАГ-аас "Монголын төмөр зам"-ыг шалгажээ. Би энэ компанийг удирдлагаар хангаж ажилладаг.  Төмөр замд суман шилжүүлэг гэж их чухал зүйл бий. 40 суман шилжүүлэг нийлүүлэхээр тендерт оржээ. Энэ ажил гурван сар үргэлжлэх ёстой. Хэрэв энэ ажлыг шуурхай шийдэхгүй бол төмөр замын тээвэр гацах вий гэж болгоомжилж, яаманд ажлын хэсэг байгуулсан. Болохгүй бол дахин тендер зарлана.     

Би хуулийн байгууллагад шалгуулахад бэлэн. Би өчигдөр мэргэжлийн хүмүүсийг дуудаж уулзсан. Одоогоор гурван суман шилжүүлгийг оруулж иржээ. Энэ нь замын дээд бүтцэд чухал үүрэгтэй, замыг салгадаг, их чухал хэрэгсэл. Монголд хийх боломжгүй тул бид хоёр хөршөөс захиалдаг тул бид нийлүүлэгч ААН-тэй уулзаж байна.

Хариуцлага ярихаас өмнө эхлээд үнэн мөнийг тогтоох ёстой. Мөн Төрийн өмчийн бодлого зохицуулалтын газар энэ асуудалд онцгой анхаарах ёстой.

Авто тээврийн үндэсний төвийн дарга Замын-Үүдийнх биш. Тэр хүн уяач эсэхийг би мэдэхгүй, мэргэжлийнхээ дагуу ажлаа хийж байгаа гэв.