Цагдаагийн байгууллагын 102 утсанд энэ сарын 6-ны өдөр иргэнээс БГД-ийн 32 дугаар хороонд байрлах худалдааны төв дотор үл таних хүнтэй маргалдан зодуулсан тухай мэдээлэл иржээ.

Энэ талаар ЦЕГ-ын Хэвлэл мэдээллийн төвөөс "Мэдээллийг хүлээн авч шалгах ажиллагаа явуулахад тус төвийн хоёр ажилтантай үйлчлүүлэгч иргэн таарамжгүй харилцаа үүсэж, маргалдан зодолдсон. Улмаар 36 настай иргэн Б-ийн толгой руу цохисон, өшиглөсөн үйлдлийн улмаас хохирогч ГССҮТ-д эмчилгээ хийлгэж байгаа. Биед нь учирсан гэмтлийн зэргийг тогтоолгохоор шинжээч томилон мөрдөн шалгах ажиллагааг явуулж байна" гэж мэдээллээ. 

Эх сурвалж: ЦЕГ