Чөлөөт бөхийн насанд хүрэгчдийн ДАШТ-ий 69кг-д зодоглосон олимпийн аварга Наталья Воробьёва дэлхийн аварга боллоо.

Түүний хувьд залуучуудын дэлхийн аваргаас гурван алтан медаль авсан байсан ч насанд хүрэгчдийн ДАШТ-ий мөнгө, хүрэл медаль хүртэж байсан. Финалд БНХАУ-ын Фен Зоуг ялж насанд хүрэгчдийн ДАШТ-ий анхны алтан медалиа хүртлээ.

Хүрэл медалийг Японы Сара Дошо, Германы Алинe Фокен нар хүртэж шагналын тавцанд зогслоо.

Медаль хүртсэн дөрвөн бөхөөс гадна Шведийн Анна Ева Мария Франссон, Монголын тамирчин О.Насанбурмаа нар Бразилийн олимпийн эрхээ авлаа.