Өнөөдөр БНХАУ-д Японы эзлэн түрэмгийллийн эсрэг дайны ялалтын 70 жилийн ой буюу дэлхийн II дайн дууссаны түүхт 70 жилийн ойн баяр тохиож байна.

Энэхүү арга хэмжээнд оролцохоор дэлхийн 50 гаруй орны төр, Засгийн тэргүүн, дипломат албаны хүмүүс Бээжин хотод хүрэлцэн ирээд байгаа юм.

Тэгвэл БНХАУ-ын тэргүүн Си Зиньпин болон тэргүүн хатагтай Пэн Лиюань нар өнөө өглөө орон нутгийн цагаар 09.00 цагийн үед Тяньанмэний талбайн урд гадаадын хүндэт төлөөлөгчдөө хүлээн авч, дурсгалын гэрэл зургаа татуулжээ.