Арваннэгдүгээр сарын 25-наас улс даяар 11 настай хүүхдүүдийг вакцинд хамруулахаар болсон. Вакцинжуулалтыг ЭМЯ, ХӨСҮТ хамтран ерөнхий боловсролын сургуулиудад зохион байгуулж буй.

Өнгөрсөн онд вакциныг Үндэсний дархлаажуулалтын товлолт  вакцин болгож, хуульд нэмсэн юм. Тэгэхээр эцэг эхчүүд 11 настай хүүхдээ вакцинжуулах, хүүхдүүд энэ вакцинд хамрагдах, ерөнхий боловсролын сургуулиуд вакцинжуулалтыг зохион байгуулах үүрэг хүлээж байна.

Нийгмийн Эрүүл мэндийн төвөөс хүний папиллома вирусийн эсрэг вакцины тухай түгээмэл асуулт хариултууд болох танд хэрэгтэй зөвлөгөөг хүргэж байна.