• CSGO-ын их дуулга тэмцээнд Монгол баг TheMongolz оролцож байна.
• "IEM Cologne 2023"-ын хэсгийн шатны доод хүснэгтэд GamerLegion багт хожигдлоо
• Дэлхийн аваргын мөнгөн медальт GamerLegion багт 2-1 харьцаагаар хожигдов

ESL-ээс зохион байгуулдаг CSGO-ын их дуулга гэж болох Intel Extreme Masters-ын ээлжит тэмцээн Кёлн хотноо үргэлжилж байна. Дэлхийн шилдэг 24 баг өрсөлдөж буй "Intel Extreme Masters Cologne 2023"-т Монгол улс, Ази тивийг төлөөлөн оролцсон TheMongolz баг тэмцээнээ өндөрлүүллээ.

Монгол залуус хэсгийн шатны хоёр дахь, тэмцээний тав дахь тоглолтоо Blast.tv Paris major буюу дэлхийн аварга шалгаруулах тэмцээний мөнгөн медальт Германы GamerLegion багтай хийлээ.

Багийн ахлагч "blitz" Б.Гарьдмагнайгийн шилдэг тоглолтоор TheMongolz эхний map Mirage-д 16-8 харьцаагаар хожсон ч хоёр дахь map Inferno-д эсрэгээр 8-16 харьцаагаар хожигдсон юм. Ингээд шийдвэрлэх map Overpass тоглоход нэмэлт цаг сунгаж 19-15 харьцаагаар хожигдсон.

• Монгол залуус дэлхийн чансааг тэргүүлэгч Heroic-ын эсрэг нэг "map" авлаа
• TheMongolz Бразилын хамгийн шилдэг багийг дахин хожлоо
• TheMongolz Британийн ITB багийг 2-0 харьцаагаар илүүрхлээ

Нийт гурван map-т "910" Б.Өсөхбаяр +15 kill хийж багаа тэргүүлсэн бол багийн ахлагчийн ADR хамгийн өндөр буюу 83.5 байв. Харин GamerLegion багийн Дани тоглогч Фредерик "acoR" Гилдстранд +22 kill, 90.9 ADR-тай шилдэг тоглолтыг үзүүлсэн юм.

Ийнхүү Германы баг доод хүснэгтийн хагас шигшээд Британийн Fnatic багтай тоглож тэмцээнд үлдэх эсэхээ шийдэх бол дэлхий дахинд өөрсдийгөө дахин нэг удаа гайхуулсан TheMongolz нутаг буцлаа.

TheMongolz тэмцээний эхний шатанд MOUZ багт Nuke map-д 22-19 харьцаагаар хожигдож доод хүснэгт рүү унасан бөгөөд доод хүснэгтэд Британийн Into The Breach багийг 2-0 (Mirage 16-8, Ancient 16-8) харьцаагаар, Бразилын FURIA Esports багийг 2-0 (Inferno 19-15, Overpass 16-8) харьцаагаар хожиж хэсгийн шатанд шалгарсан билээ. Улмаар хэсгийн шатанд дэлхийн чансааг тэргүүлэгч Heroic багт 2-1 (Mirage 16-11, Overpass 18-22, Inferno 10-16) харьцаагаар хожигдсон юм.