• CSGO-ын их дуулга IEM-д Монголын баг оролцож байна.
• TheMongolz баг хоёр дахь тоглолтоо Британийн ITB багтай хийж 2-0 харьцаагаар хожлоо
• Ингэснээр тэд тэмцээний хэсгийн шатанд өрсөлдөхийн төлөө тоглох эрхтэй боллоо

ESL-ээс зохион байгуулдаг CSGO-ын их дуулга гэж болох Intel Extreme Masters-ын ээлжит тэмцээн Кёлн хотноо үргэлжилж байна. Дэлхийн шилдэг 24 баг өрсөлдөж буй "Intel Extreme Masters Cologne 2023"-т Монгол улс, Ази тивийг төлөөлөн оролцож буй TheMongolz баг хоёр дахь тоглолтоо хийлээ.

Тэд Британийн "Into The Breach" багтай тоглосон бөгөөд 2-0 (Mirage 16-8, Ancient 16-8) харьцаагаар илүүрхэв. TheMongolz тоглолтын эхнээс round-ын илүүг авч, тэргүүллээ нэг ч удаа алдаагүй бөгөөд дэлхийн чансааны 17-д бичигдэж буй ITB багийг гэрт нь хариулав.

Багийн шинэ цэрэг, мэргэн бууч "910" Б.Өсөхбаяр +11 kill хийж, 89.5 ADR-тайгаар багаа тэргүүлсэн бол багийн ахлагч "blitz" Б.Гарьдмагнай 89.1 ADR-аар удаалсан.

• The Mongolz хоёр удаа нэмэлт цаг сунгаж хожигдлоо
• Монголын CSGO-ын аваргаар "The MongolZ" тодорлоо
• Монголын CSGO-ын шигшээ баг дэлхийн аваргад оролцоно

TheMongolz баг тэмцээний эхний тоглолтоо өчигдөр хийж дэлхийн чансааны 9-т эрэмбэлэгддэг MOUZ багт 22-19 харьцаагаар нэг map тоглож хожигдоод байсан юм.

Тэд хэсгийн шатанд шалгарахын төлөөх тоглолтоо маргааш 22:00 цагаас дээд хүснэгтээс хожигдсон Бразилын FURIA Esports багтай хийнэ.