"Катар 2022" ДАШТ-ий шигшээ 16 шатны зургаа дахь тоглолт дэлхийн таван удаагийн аварга Бразил болон Өмнөд Солонгосын шигшээ багийн хооронд болоход 4-1 харьцаагаар Бразил хожлоо.

Бразилын багийн тоглолт, хамгаалалтын шахалт гээд бүх зүйл нэгдүгээр үед төгс гэмээр ажиллав. Учир нь тэд гоол алдалгүйгээр 4 гоол оруулсан. Гоолыг 7 дахь минутад Винисиус Жуниор, 13 дахь минутад Неймар, 29 дэх минутад Ричарлисон, 36 дахь минутад Лукас Пакета оруулав.

Хүссэн үр дүндээ эрт хүрсэн Бразилчууд хоёрдугаар үед хамгаалсан. Гэвч эсрэг багтаа бөмбөг өгсөн нь алдаа болж 77 дахь минутад Пайк Сын Хо шигшээ багийнхаа сүүлийн гоолыг оруулав.

Ийнхүү тоглолт 4-1 харьцаагаар өндөрлөж Бразил шөвгийн наймд шалгарлаа. Харин Өмнөд Солонгос нутаг буцсан.

Бразилын тоглогчид тоглолт дууссаны дараа Пелед хүндэтгэл үзүүлэв.

Гарааны бүрэлдэхүүн:

Хүснэгт:

Voo аппликейшн татах

• Android
• iOS