"Катар 2022" ДАШТ-ий G хэсгийн дөрөв дэх тоглолт Бразил болон Швейцарын шигшээ багийн хооронд болоход 1-0 харьцаагаар Бразил хожлоо.

Бразил ямагт довтолгоо зонхилсон, хурдан хэмнэлтэй тоглодгоороо алдартай. Гэвч Швейцарын нягт, системчилсэн тоглолт шар өмсгөлтүүдийн эрчийг саарууллаа.

Олон үндэстнээс бүрдэх Швейцарын шигшээ баг сайн хамгаалалтынхаа ачаар Бразилын хүчирхэг багийг 80 минутын турш унтуулав.

Харин хэрэгтэй цагт, хэрэгтэй зүйл хийдэг Manchester United клубийн хагас хамгаалагч Касемиру 83 дахь минутад гоолдож багтаа 3 оноо авчирлаа.

Бразил ийнхүү хожсоноор хэсгээс гарах болзлоо хангасан бол Швейцарын сүүлийн тойрогт Сербитэй тоглож хэсгээс гарахаа шийднэ.

G хэсгийн өмнөх тоглолтуудын үр дүн:

• Швейцар 1-0 Камерун
• Бразил 2-0 Серби
• Камерун 3-3 Серби

Voo аппликейшн татах

• Android
• iOS