"Катар 2022" ДАШТ-ий H хэсгийн эхний тоглолт Уругвай болон Өмнөд Солонгосын шигшээ багийн хооронд болоход 0-0 харьцаагаар тэнцлээ.

Дэлхийн хоёр удаагийн аварга Уругвайчууд энэ жил Луис Суарез, Эдинсон Кавани, Диего Годин, Мартин Касерес тэргүүтэй том нэрсийг авчирсан бөгөөд Валверде, Бентанкур, Нуньес зэрэг залуу оддын хамт тоглов.

Харин тэдний өөдөөс Ким Мин Жэ, Сон Хын Мин тэргүүтэй Өмнөд Солонгос муу биш байгаагаа харуулж нэгдүгээр үед илүүтэй довтолсон.

Харилцан хамгаалж, сөрөг довтолгоо зонхилсон 100 минутын тоглолтод довтлогчид цөөнгүй боломж алдаж багууд гоолгүй тэнцлээ.