- "Катар 2022" ДАШТ-д оролцох шигшээ багуудын бүрэлдэхүүнийг цувралаар танилцуулъя -

Испани улсын шигшээ баг "Катар 2022" хөл бөмбөгийн ДАШТ-д оролцох шилдэг 26 тоглогчоо зарлалаа. Бүрэлдэхүүнээ залуу тоглогчдоор дүүргэсэн дасгалжуулагч Луис Энрике 2010 оны амжилтыг давтахыг зорьж байна.

2010 оны дэлхийн аваргуудаас одоогийн багт үлдсэн ганц тоглогч нь Серхио Бускетс бол нийт тоглогчдын 20 нь ДАШТ-д анх удаа тоглох залуус аж.

Өмнө Испанийн Барселона клубийг дасгалжуулагч байсан Луис Энрике тус клубээс 7 тоглогчийг шигшээ багтаа багтаасан нь Аваргуудын лигийн аварга Реал Мадридаас таваар их тоо юм.

Багийн хамгийн ахмад тоглогч нь 34 настай хагас хамгаалагч Серхио Бускетс бол хамгийн залуу нь 18 настай хагас хамгаалагч Гави юм. Багийн дундаж нас 25.6 байна.

Энэ 26 тоглогч ДАШТ-ий B хэсэгт Коста Рика, Герман, Японы шигшээ багтай тоглоно.