УДБЭТ-ын уран бүтээлчид тоглолтын 52 дахь улиралдаа симфони хөгжим, дуу, бүжгийн холимог Гала тоглолт хийхээр төлөвлөжээ.

Үүний нэг нь энэ сарын 8-нд тоглох “Тэнгэрлэг бүсгүй танаа” концерт юм. Концертын хөтөлбөрт эмэгтэйчүүд, бүсгүйчүүдийн тухай бүтээлээс түлхүү оруулан Олон улсын эмэгтэйчүүдийн эрхийг хамгаалах өдрийн бэлэг болгож байгаа юм.
Тоглолтод УДБЭТ-ын урын санд байдаг дуурь, балетын бүтээлийн дээж, симфони найрал хөгжимд зориулсан дэлхийн болон сонгодог бүтээл, дэлхийн болон монголын хөгжмийн зохиолчдын дууны шилдэг бүтээлүүд багтжээ. Мөн УДБЭТ-ын симфони найрал хөгжим , найрал дуу, балетын бүжигчид, гоцлол дуучид бүрэн бүрэлдэхүүнээрээ оролцох юм.

Тасалбарыг 15 мянга, 10 мянга, 8000 төгрөгөөр худалдаалж байгаа аж.

Ж.Болор