МУИС 2016-2017 оны хичээлийн жилийн элсэлтийн журмаа батлан, бүртгэлээ эхлүүлжээ.

МУИС-ийн 2016-2017 оны хичээлийн жилийн элсэлт эхэлсэнтэй холбогдуулан Ерөнхий боловсролын сургуулийн сурагчдад  элсэлтийн талаарх танилцуулга мэдээллийг  Сургалтын нэгдсэн албанаас зохион байгуулжээ. Хоёр өдрийн турш үргэлжилсэн МУИС Элсэлт-2016 танилцуулгад "Мон-Турк", "Шинэ эрин", "Шинэ эхлэл", "Монгол Тэмүүлэл" зэрэг ерөнхий боловсролын сургуулийн 130 гаруй хүүхэд оролцжээ. Тэд их сургуулийн лаборатори, хичээлийн анги танхим сургалтын үйл явцтай танилцсан байна.

750-аас дээш оноотой ШУС-БУС, ХШУИС-ийн эхний 50 элсэгч /сургууль тус бүрт 25/, улсын олимпиадад эхний байр эзэлсэн элсэгчийн эхний хичээлийн жилийн сургалтын төлбөрийг 50 хувь хөнгөлнө.

МУИС-д элсэн суралцсанаар тодорхой хөтөлбөр /мэргэжил/-д бус, сонирхож буй хөтөлбөр /мэргэжил/ нь харьяалагдах бүрэлдэхүүн сургууль /салбарт/ элсэх давуу талтай бол ЭЛСЭГЧ МУИС-ийн ерөнхий суурь хичээлээс чөлөөтэй сонгон суралцаж сургалтын чанар амжилтаар хүссэн мэргэжлээ журмын дагуу сонгох боломжтой.

Мөн суурь шалгалт нь 750-аас дээш оноотой ШУС-БУС, ХШУИС-ийн эхний 50 элсэгч /сургууль тус бүрт 25/, улсын олимпиадад эхний байр эзэлсэн элсэгчийн эхний хичээлийн жилийн сургалтын төлбөрийг 50 хувь хөнгөлдөг аж. Цаашлаад үндэсний болон МУИС-ийн олон улсын байгууллага, гадаад дотоод, засгийн газрын оюутан солилцооны тэтгэлэгт хөтөлбөрт хамрагдах, боломжийг оюутнуудадаа нээдэг байна.