MamyPoko брэнд нь нийгмийн хариуцлагын хүрээнд дүүрэг бүрд нярайн хуурайлах ширээ байрлуулахаар төлөвлөж, хүн амын төвлөрөл ихтэй Баянзүрх дүүргийн 26-р хорооноос ийнхүү эхлүүлжээ. Ингэснээр тус хороонд нярайн вакцинд хамрагдах, хүүхдээ хуурайлах тав тухтай орчин бүрдүүлэхийг зорьж байна.

Хүүхдийг төрсөн цагаас нь эхлэн төрөл бүрийн халдварт өвчнөөс сэргийлэх вакцинд хамруулдаг ч хүүхэд хуурайлах, хувцсыг нь солих зориулалтын ширээ байдаггүй. Тиймээс өрхийн эмнэлгүүдэд нярайн хуурайлах ширээ байрлуулсанд ээжүүд баяртай байгаагаа илэрхийллээ.

MamyPoko брэнд нь эх үрд зориулсан олон ажил хийж, хэрэгжүүлсээр ирсэн. Дөнгөж төрсөн нялхаст нярайн малгай, MamyPoko живх болон нярайн бугуйвч бэлэглэж, сар бүр 3000 гаруй нярайд анхны бэлгийг нь гардуулан өгдөг билээ. Түүнчлэн өнгөрсөн оны зургаадугаар сард “Шинэ өлгий” аянд нэгдэж, 400 ширхэг өлгийг төрөх эмнэлгүүдэд хүлээлгэн өгсөн.

MamyPoko брэнд нь цаашид ч нийгмийн хариуцлагын сайн үйлсийн аяныг хэрэгжүүлсээр байхаа илэрхийллээ. Хүүхдийн бусад брэндүүд үүнээс үлгэрлэн эх хүүхдийн эрүүл мэнд, тохь тухтай байдлыг хангахад өөрсдийн хувь нэмрээ оруулаасай хэмээн уриалж байна.