ХХААХҮ-ийн сайд З.Мэндсайхан өнөөдөр болсон Засгийн газрын хуралдааны дараа мэдээлэл өглөө:

-ОХУ-ын иргэд манай улсаас будаа гэх  мэт зарим нэр төрлийн бүтээгдэхүүнийг жижиглэнгээр авч гарах эрсдэлтэй. Иймд ре-экспортыг хориглоно.

Нөөцийн махны 10 хувь нь ямааны мах, 30 хувь нь үхрийн мах, үлдсэн нь хонины мах байна. Нойтон мах борлуулж эхэлтэл нөөцийн махыг худалдана. Зах зээлийн үнээс хямдаар нөөцийн мах борлуулж байна. Энэ бодлого үргэлжилж байна. Одоогоор 360 тонн мах гаргажээ. Өдөрт дунджаар 60-70 тонн мах гаргаж байсан бол одоо 50-иас тээш тонн гаргаж чадахгүй байна. Учир нь борлуулалт сайнгүй байна. 468 буюу хангалттай олон цэгт борлуулж байна.

Нэмээд гурилын нөөцийг тогтвортой байлгахын тулд хаврын тариалалтад бордоо гэх мэт бэлтгэл ажлыг хангана.

Энэ онд их хэмжээний үр тариа тарих ажлыг үргэлжлүүлнэ. Зарим бүтээгдэхүүний экспортод хориг тавих эрхийг ХХААХҮ-ийн сайдад олгох заалтыг шинээр гаргах хуульд тусгасан. Чухам ямар бүтээгдэхүүний хориглох вэ гэдгийг бид судалгаа хийн, шийдвэр гаргана гэв.