Жүдо бөхийн дэлхийн аварга шалгаруулах тэмцээн Узбекистаны нийслэл Ташкент хотод өнөөдөр эхэлсэн.

Тэмцээний эрэгтэйчүүдийн -60 кг-ын жинд ОУХМ Энхтайвны Сумъяабазар Египетийн Сами Юсритэй барилдаж, давлаа. Түүний даваа Монголын шигшээ багийн энэ жилийн ДАШТ дэх эхний даваа байв.

82 орны 571 орчим тамирчин оролцож буй уг тэмцээнд Монголын шигшээ багаас гадна Бразил, Франц, Итали, Герман, Израил, Казахстан, Япон, Нидерланд, Өмнөд Солонгос, Испани, АНУ зэрэг орнууд бүрэн бүрэлдэхүүнээ илгээсэн.

Э.Сумъяабазар хоёр дахь шатанд Мароккогийн Юнес Саддикиг давснаар шөвгийн 16-д шалгарлаа. Тэрээр шөвгийн 16-д А хэсгийг тэргүүлэгч Тайванийн Юн Вей Янтай барилдана.

Э.Сумъяабазар шөвгийн 16-д А хэсгийг тэргүүлэгч Тайванийн Юн Вей Янтай барилдаж даралтаар ялагдсанаар тэмцээнээ дуусгалаа.