Улс орон даяар өндөржүүлсэн бэлэн байдал зарласан энэ цаг хугацаанд Дэлхийн зөн Монгол ОУБ нь Үндэсний шилдэг контент “Маамуу” цуврал анимэйшнийг бүтээгч “Монгол Контент” ХХК-тай хамтран бага насны хүүхдүүдийг коронавирусийн халдвараас урьдчилан сэргийлэх зорилгоор “Аврагч Мазаалайн зөвлөмж” цуврал контентуудыг бэлтгэн хүргэж байна.

Аврагч Мазаалай хүүхдүүдэд гараа тогтмол угаахыг сануулан "Гараа угаацгаая" хэмээх шинэ дуу бүтээн, дүрсжүүллээ. Хүүхдэд аливаа зүйлийг зааж сургахдаа дуу шүлгээр дамжуулбал илүү сайн тогтоож, сурдаг. Тиймээс томчууд та бүхэн хүүхдийнхээ хамтаар дараах дууг сонсож, гараа угаах ямар ач холбогдолтойг тайлбарлан, тогтмол угааж байхыг нь сануулаарай.