Нийслэлийн Засаг дарга Д.Сумъяабазар өчигдөр Зайсан дахь иргэд олноор алхаж, агаарладаг Дугуй цагаан орчмын тохижилт, бүтээн байгуулалтын ажлын явцтай танилцжээ. 

Тэрбээр "Зайсан дахь амралтын газрын хаалтаас Дугуй цагааны бүтээн байгуулалт хүрэх зам барих ажил эрчимтэй явагдаж байна. Замын суурь хэсгийн 75 хувийг хийжээ. Замын ажил болон бусад тохижилтын дутуу хэсгийг зургаадугаар сарын 1-н гэхэд дуусгах төлөвлөгөөтэй ажиллаж байна. 

Харин ариун цэврийн болон үйлчилгээний байгууламжийн ажил удааширч байгааг түргэвчлэх үүрэг өглөө" гэж  цахим хуудаснаа мэдээлжээ.