Гэмт хэргээс урьдчилан сэргийлэх ажлыг зохицуулах зөвлөлийн дэргэдэх Гэр бүлийн хүчирхийлэл, хүүхдийн эсрэг гэмт хэргээс урьдчилан сэргийлэх дэд зөвлөлийн хуралдаан өнөөдөр боллоо. Хуралдаанаар дэд зөвлөлийн 2024 оны үйл ажиллагааны төлөвлөгөөний төслийг хэлэлцэн дэмжжээ.

Хуралдаанаар 2024 онд Гэр бүлийн хүчирхийлэлтэй тэмцэх тухай хуулийн хэрэгжилтийг хангах, гэр бүлийн хүчирхийлэлтэй тэмцэх, урьдчилан сэргийлэх талаар дунд хугацааны төлөвлөгөө боловсруулахаар шийдвэрлэжээ.

Мөн Хүүхэд хамгааллын тухай хуулийн шинэчилсэн найруулгын талаар Хөдөлмөр, нийгмийн хамгааллын яамны Гэр бүлийн бодлогын хэрэгжилтийг зохицуулах газрын дарга Н.Баярмаа танилцуулга хийжээ.