Өмнөд Австралийн далайн эргийн алдартай наран шарлагын газар амарч байсан өсвөр насны хүү аварга загасанд бариулж амиа алджээ.

Йоркийн хойг дахь Иннес үндэсний цэцэрлэгт хүрээлэнгийн Этел далайн эрэг орчмоос хүүгийн цогцсыг уснаас гаргаж авсан гэж албаны хүмүүс мэдэгдсэн байна.

Этел наран шарлага орчмын  далайн эрэг 400 м урттай бөгөөд серфингчид болон жуулчдын дунд маш алдартай аж.

Орон нутгийн оршин суугч Марти Гүүди “Би олон жил энэ далайн эрэг дээр серфинг хийж байгаа. Хохирогчийг эргээс 30-40 метрийн зайд байсан байж магадгүй гэж бодож байна. Олон жилийн турш энэ орчмын далайн бүсэд аварга махчин загаснууд байсаар ирсэн. Гэхдээ сүүлийн жилүүдэд махчин загасны тоо олширсон байж болзошгүй” гэж АBC мэдээллийн агентлагт өгсөн ярилцлагадаа дурджээ.  

Гэвч эрдэмтэд аварга загасыг ойр, ойрхон харах нь  тэдний тоо нэмэгдэнэ гэсэн үг биш гэдгийг онцолжээ.

Энэ онд Австралид гурван удаагийн махчин загасанд бариулж амиа алдсан хэрэг гарсан. Австралид махчин загасанд бариулсан хэргийн тохиолдол бусад улсаас илүү их  гардаг байна. 

Эх сурвалж: BBC