Хүүхдийн хорт хавдрын 95% нь шалтгаан тодорхойгүй, 40% нь хожуу шатандаа оношлогдож байна. Тиймээс эрт оношлох нь хамгийн чухал. Иймд хүн бүр хүүхдийн хорт хавдрын анхаарах шинж тэмдгүүдийн талаарх ойлголт, мэдээллээ нэмэгдүүлэхийг ЭХЭМҮТ-өөс зөвлөлөө.

Анхаарах, сэрэмжлэх шинжүүд:

• цонхийж цайх, ясны ерөнхий өвдөлт
• халдварын шинж тэмдэггүйгээр халуурах
• шалтгаангүй турах
• цагаан толбо, нэг нүд солир харах
• хэвлий томрох
• толгой өвдөх, удаан хугацаагаар бөөлжих /өглөөгүүр/
• ясны өвдөлт /гэмтэл, халдварын шинжгүйгээр хавдах/
• ядрах сульдах
• толгой эргэх, тэнцвэр алдах, солир харах

Эрүүл мэндийн тусламж үйлчилгээ сайтай оронд хорт хавдартай хүүхдүүдийн 80 хувь, бага дунд орлоготой орнуудад 15-45 хувь нь эмчлэгддэг гэж ДЭМБ-аас мэдээлжээ.

Монгол Улсад 2010-2019 онд 0-19 насны 878 хүүхэд хорт хавдраар оношлогджээ. Хүүхдэд тохиолдож байгаа хорт хавдрын бүтцийг үзэхэд 70 хувийг лимфолейкеми, тархи, лейкеми, нүд, холбох зөөлөн эд, Ходжкины бус лимфома, ясны хорт хавдар эзэлж байна.

Эх сурвалж: НЭМҮТ