Тулгар төрийн 2229 жил, Их Монгол Улс байгуулагдсаны 814 жил, Ардын хувьсгалын 99 жилийн ойн, Үндэсний их баяр наадам, Баян-Өлгий аймаг байгуулагдсаны түүхт 80 жилийн ойн баярын нэгдсэн арга хэмжээ эхэллээ.

Баяр наадмыг Төрийн далбааг залах ёслолын ажиллагаагаар эхлүүлж, аймгийн хурц арслан Улахпаны Береке, Үндэсний сурын Улсын аварга Самжидын Алтанцоож, аймгийн алдарт уяач, Халымын Медет, Дарын цогцолбор сургуулийн сурагч, Орос хэлний хичээлээс 800 оноо авсан Бахытын Толхын нар ёслол төгөлдөр гүйцэтгэлээ.

Үндэсний их баяр наадмын нээлтийн ажиллагааг Баян-Өлгий аймгийн Засаг дарга А.Гылымхан хийж наадамчин түмэн олондоо баярын мэндчилгээ дэвшүүлэв.

Баяр наадмын арга хэмжээнд УИХ-ын гишүүн Х.Баделхан, Б.Бейсен, Т.Аубакар, БНКУ-аас Монгол улсад суугаа онц бөгөөд бүрэн эрхт Элчин сайд Жалгас Адилбаев нар болон аймгийн удирдлагууд иргэд зон олон оролцож байна.

Баяр наадам хүчит бөхийн барилдаанаар үргэлжилж байгаа юм.

Кугершин Хуанган