Ерөнхий сайд У.Хүрэлсүх УИХ-ын чуулганы хуралдаанд Засгийн газрын бүрэлдэхүүнээ танилцууллаа.

Байгаль орчин, аялал жуулчлалын сайдаар Д.Сарангэрэлийг танилцууллаа. Ийнхүү тэрбээр Эрүүл мэндийн сайдын ажлаа Байгаль орчин, аялал жуулчлалын сайдаар сольж байна.  

Түүний намтрыг хүргэж байна. Даваажанцангийн Сарангэрэл нь 1963 онд Улаанбаатар хотод төрсөн. Үндэс угсаа халх. Ам бүл 3. Англи, Орос хэлтэй. 

БОЛОВСРОЛ: 

• 1979 онд Нийслэлийн 10 жилийн 5, 57 дугаар дунд сургууль
• 1983 онд ЗХУ-ын Омск хотын Технологийн техникумыг фото зургийн мэргэжлээр
• 1990 онд ЗХУ-ын Ростов хотын их сургуулийг сэтгүүлч мэргэжлээр
• 2005 онд Москвагийн их сургуулийг тус тус төгссөн. Сэтгүүл зүйн ухааны магистр зэрэгтэй.  

АЖИЛЛАСАН БАЙДАЛ:

• 1982-1985 онд МРТУХорооны харъяа гэрэл зургийн газар өнгөт зургийн лаборант
• 1990-1992 онд Монголын Үндэсний телевизэд сурвалжлагч-редактор
• 1992-1996 онд Монголын Үндэсний телевизэд ахлах редактор
• 1993-1994 онд Монголын Үндэсний телевизэд хариуцлагатай редактор
• 1995-1996 онд "ММ" агентлагийн захирал
• 1997-1999 онд "ММ" агентлагийн ерөнхий редактор
• 1999-2000 онд "ММ" агентлагийн захирал
• 2000-2003 онд Нийгэм, эдийн засгийн ерөнхий редакцид редактор
• 2003-2005 онд ТВ5 Телевизийн ерөнхий захирал
• 2005-2010 онд Монголын сэтгүүлчдийн нэгдсэн эвлэлийн ерөнхийлөгч
• 2011-2012 онд МАН-ын нарийн бичгийн дарга
• 2012 оноос УИХ-ын
• 2016-2017 онд УИХ-ын Өргөдлийн байнгын хорооны дарга
• 2017-2020 онд Монгол Улсын Засгийн газрын гишүүн, Эрүүл мэндийн сайд

ХӨРӨНГӨ ОРЛОГЫН МЭДҮҮЛЭГ

УИХ-ын гишүүн, Эрүүл мэндийн сайд асан Д.Сарангэрэл шинэ Засгийн газарт Байгаль орчин, аялал жуулчлалын сайдаар ажиллахаар болоод байна.

Авлигатай тэмцэх газарт мэдүүлсэн 2019 оны Хөрөнгө орлогын мэдүүлгийг хүргэж байна. БОАЖ-ын сайдаар томилогдох Д.Сарангэрэлийн өөрийн орлого жилийн 30 сая, гэр бүлийн орлого 397 сая, 677 сая төгрөгийн орон сууц, барилга байгууламж, 113 сая төгрөгийн тээврийн хэрэгсэлтэй хэмээн ХОМ-тээ бөглөжээ.

Д.Сарангэрэлийн өөрийн орлого өмнөх жилээс өссөн бол гэр бүлийн орлого нь буурчээ. Анх 2015 онд хадгаламжиндаа мөнгөгүй байсан Д.Сарангэрэл 2018 онд 487 сая төгрөгийн хадгаламжтай болсон хэмээн мэдүүлж байсан бол 2019 онд хадгаламж нь бага зэрэг өссөн байна.

• Өөрийн орлого: 30,226,270 төгрөг
• Гэр бүлийн орлого: 397,511,83 0 төгрөг
• Орон сууц, барилга байгууламж: 677,026,100 төгрөгийн үнэлгээ бүхий хоёр орон сууц, хоёр үйлчилгээний зориулалттай барилга
• Тээврийн хэрэгсэл: 113,000,00 0 төгрөгөөр үнэлэгдэх Suzuki, Grand Vitara- 1, Toyota, Land Cruiser 200- 1,BMW, 3201- 1
• Мал, аж ахуй: Байхгүй
• Газар: 16,000,00 0
• Үнэт эдлэл: Байхгүй
• Хадгаламж: 489,857,45 0
• Авлага: Байхгүй
• Зээл: Байхгүй
• Компани нөхөрлөл, хоршоонд оруулсан хөрөнгө оруулалт: Стимо ХХК 100%, Концепт сити ХХК 100%, Гэгээн секюритиз ХХК 100%, Гэгээн далай ХХК100%, Брават Монголиа ХХК 100%, Гэгээн Концепт ХХК 100%, Эрдэнэс таван толгой ХК 100%, Эрдэнэс таван толгой ХК, Эрдэнэс таван толгой ХК, Эрдэнэс таван толгой ХК