Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
0
“Заавал татах аппууд” цуврал нийтлэл уншигч таны амьдралыг хөнгөвчлөх аппуудыг багцлан хүргэдэг бөгөөд долоо хоногт нэг удаа нийтлэгдэх юм.
Зун цагийг аялал зугаалга, амьд хөгжмийн тоглолт, амттай сайхан хоолгүйгээр төсөөлөхийн аргагүй. Хэрэв эдгээр зугаатай мөчөө гар утсандаа буулган түүнийгээ бусадтай хуваалцахыг хүсэж байгаа бол гар утсаар авсан зургийг тань маш сайн засах дараах аппуудыг санал болгоё.
SNAPSEED
Уг аппыг Гүүгл 2012 онд худалдаж авсан бөгөөд үүнээс хойш Гүүглийн инженерүүд хөгжүүлж байгаа юм. Тус жил Фэйсбүүк Инстаграмыг мөн худалдан авч байсан билээ.
Аппын харагдац нь Гүүглийн бусад аппуудын адилаар маш цэвэрхэн, цэгцтэй гэдгээрээ онцлог. Гэсэн хэдий ч хэрэглэж чадах юм бол гар утсаар авсан зургийг мэргэжлийн камераар авсан мэт өнгөний ялгаралтай харагдуулж чадна. Бусад аппуудын адилаар олон тооны бэлэн загвартай учир бүх тохиргоог өөрөө өөрчлөх шаардлагагүй, тохирсон загвараа сонгоход л хангалттай.
VSCO
Энэхүү апп нь зураг засдаг апп хэдий ч сошиал аппын үүргийг мөн гүйцэтгэдэг. Өөр дээрээ камертай учир хэрэглэхэд илүү дөхөм. Аливаа зургийн өнгө, ялгарал зэрэг олон зүйлийг тохируулж болохоос гадна аппын зүгээс санал болгох бэлэн загварыг ашиглан засаж болно. Мөн сар бүр тодорхой хураамж төлснөөр дан ганц зураг бус дүрс бичлэгийг өөрийн хүссэнээр янзлах боломжтой болж үнэгүй загварууд дээр 160 гаруй загвар нэмэгддэг.
Ахин сануулахад уг апп нь зүгээр нэг зураг засдаг апп бус бүтээлч байдал, дотоод ертөнцөө илэрхийлэх нэгэн талбар болж чадна.
ADOBE PHOTOSHOP EXPRESS / LIGHTROOM CC
Adobe компани нь 30 гаруй жил програм хангамжийн салбарт ажиллаж байгаа бөгөөд та бидний сайн мэдэх Adobe Photoshop-оос эхлээд Adobe Flash Player зэрэг олон бүтээгдэхүүнийг хөгжүүлдэг.
Дэлхийн бүтээлч салбарын мэргэжилтнүүдийн 90 хувь нь Adobe Photoshop-ыг ашигладаг хэмээн Adobe өөрийн сайт дээрээ дурджээ. Компьютерт зориулсан, зураг янзалдаг уг програмын гар утсанд зориулсан хувилбарыг Adobe Photoshop Express нэртэйгээр гаргасан билээ. Уг аппыг өмнө нь Adobe-ын бүтээгдэхүүнүүдийг ашиглаж байсан хүмүүс ашиглавал илүү тохиромжтой байх болно. Мөн Adobe-ын өөр нэгэн бүтээгдэхүүн болох Lightroom CC-г ашиглахыг зөвлөж байна.
Эцэст нь дурдахад ихэнх аппуудын боломжит үйлдлүүд нь өөр хоорондоо адил байдаг. Иймд авсан зургаа сайн засъя гэвэл нэг аппаа тууштай хэрэглэж, бүх үйлдлийг нь ашиглаж сураарай. Мөн сэтгэгдэл хэсэгт ямар аппаар зургаа засдагаа үлдээгээрэй.
“Заавал татах аппууд” цуврал нийтлэл уншигч таны амьдралыг хөнгөвчлөх аппуудыг багцлан хүргэдэг бөгөөд долоо хоногт нэг удаа нийтлэгдэх юм.
Зун цагийг аялал зугаалга, амьд хөгжмийн тоглолт, амттай сайхан хоолгүйгээр төсөөлөхийн аргагүй. Хэрэв эдгээр зугаатай мөчөө гар утсандаа буулган түүнийгээ бусадтай хуваалцахыг хүсэж байгаа бол гар утсаар авсан зургийг тань маш сайн засах дараах аппуудыг санал болгоё.
SNAPSEED
Уг аппыг Гүүгл 2012 онд худалдаж авсан бөгөөд үүнээс хойш Гүүглийн инженерүүд хөгжүүлж байгаа юм. Тус жил Фэйсбүүк Инстаграмыг мөн худалдан авч байсан билээ.
Аппын харагдац нь Гүүглийн бусад аппуудын адилаар маш цэвэрхэн, цэгцтэй гэдгээрээ онцлог. Гэсэн хэдий ч хэрэглэж чадах юм бол гар утсаар авсан зургийг мэргэжлийн камераар авсан мэт өнгөний ялгаралтай харагдуулж чадна. Бусад аппуудын адилаар олон тооны бэлэн загвартай учир бүх тохиргоог өөрөө өөрчлөх шаардлагагүй, тохирсон загвараа сонгоход л хангалттай.
VSCO
Энэхүү апп нь зураг засдаг апп хэдий ч сошиал аппын үүргийг мөн гүйцэтгэдэг. Өөр дээрээ камертай учир хэрэглэхэд илүү дөхөм. Аливаа зургийн өнгө, ялгарал зэрэг олон зүйлийг тохируулж болохоос гадна аппын зүгээс санал болгох бэлэн загварыг ашиглан засаж болно. Мөн сар бүр тодорхой хураамж төлснөөр дан ганц зураг бус дүрс бичлэгийг өөрийн хүссэнээр янзлах боломжтой болж үнэгүй загварууд дээр 160 гаруй загвар нэмэгддэг.
Ахин сануулахад уг апп нь зүгээр нэг зураг засдаг апп бус бүтээлч байдал, дотоод ертөнцөө илэрхийлэх нэгэн талбар болж чадна.
ADOBE PHOTOSHOP EXPRESS / LIGHTROOM CC
Adobe компани нь 30 гаруй жил програм хангамжийн салбарт ажиллаж байгаа бөгөөд та бидний сайн мэдэх Adobe Photoshop-оос эхлээд Adobe Flash Player зэрэг олон бүтээгдэхүүнийг хөгжүүлдэг.
Дэлхийн бүтээлч салбарын мэргэжилтнүүдийн 90 хувь нь Adobe Photoshop-ыг ашигладаг хэмээн Adobe өөрийн сайт дээрээ дурджээ. Компьютерт зориулсан, зураг янзалдаг уг програмын гар утсанд зориулсан хувилбарыг Adobe Photoshop Express нэртэйгээр гаргасан билээ. Уг аппыг өмнө нь Adobe-ын бүтээгдэхүүнүүдийг ашиглаж байсан хүмүүс ашиглавал илүү тохиромжтой байх болно. Мөн Adobe-ын өөр нэгэн бүтээгдэхүүн болох Lightroom CC-г ашиглахыг зөвлөж байна.
Эцэст нь дурдахад ихэнх аппуудын боломжит үйлдлүүд нь өөр хоорондоо адил байдаг. Иймд авсан зургаа сайн засъя гэвэл нэг аппаа тууштай хэрэглэж, бүх үйлдлийг нь ашиглаж сураарай. Мөн сэтгэгдэл хэсэгт ямар аппаар зургаа засдагаа үлдээгээрэй.