Торонто Рэпторс багийн лидер 2012 оноос хойш зүтгэж буй Кайл Лаури багийнхаа түүхэн амжилтыг эвдсээр.
Дорнод бүсийн шигшээ цувралын тав дахь тоглолтод 9 дэх оноо нь Кайл Лауриг багийнхаа плэйоффын түүхэн дэх бүх цаг үеийн онооны лидер болголоо.
Өмнө нь энэхүү рекордыг ДэМар ДэРөзан эзэмшдэг байсан юм.
Рэпторсын плэйоффын бүх цаг үеийн түүхэнд дэх онооны лидерүүд:
- Кайл Лаури 1118
- ДэМар ДэРөзан 1117
- Йонас Валанчунас 544
- Кавай Леонард 512
- Винс Картер 385
Кайл Лаури энэ жилийн плэйоффт 14.4 оноо дунджилж, 44.3%-тай довтолж, холын зайнаас 34.7%-тай шидэж байна.
Дорнод бүсийн шигшээ цувралын тав дахь тоглолтод Торонто Рэпторс Милоуки Баксыг 105:99 харьцаатай хожиж цувралыг 3:2 тэргүүлж эхэллээ. Уг тоглолтод Кайл Лаури 17 оноо 7 самбар 6 оновчтой дамжуулалт өгсөн юм.
