ММСУХ-ноос жил бүр улсын бүсийн уралдааныг 5-6 аймагт зохион байгуулдаг уламжлалтай. 1990 оноос нааш уяачийн улсын цол зэрэг олгодог энэхүү баяр наадмыг зохион байгуулж иржээ. Одоогоор зуу гаруй том уралдааныг монголын хорин нэгэн аймагт амжилттай зохиосон.

Монгол улсын алдарт уяач Бандиагийн Баярсайханы адуун сүргийн унаган их морь сүүлийн дөрвөн жил дараалж говийн бүсийн түрүү авсан гайхамшигт амжилтыг гаргаад байна. 2016 онд Тавантолгой трансын 50 жилийн ойн даншиг их наадамд хүү Б.Лхагва-Очирын хонгор халзан их нас түрүүлсэн бол 2017 онд Дундговьд болсон Зава Дамдины 150 жилийн жилийн ойн даншигт мөн айлын адууны унага Ж.Эрдэнэтөгсийн хүрэн морь тод магнай болж байлаа.

2018 оны Дорноговь аймагт болсон улсын бүсийн уралдаан, өнөө жил Өмнөговьд болсон Говь шанхын хурд-6 улсын бүсийн уралдаанд тус бүр Б.Лхагва-Очирын хонгор халзан морь тод магнай болоод байна. Хонгор халзан морь өнөө жилийн улсын баяр наадам болон Их хурд-8 уралдаанд долоо хурдалжээ.