2019 оны эхний улирлын байдлаар түүх, соёлын дурсгалт зүйлийг зохион байгуулалттайгаар улсын хилээр хууль бусаар нэвтрүүлсэн хоёр удаагийн үйлдлийг Тагнуулын байгууллагаас илрүүлж, таслан зогсоожээ.
Тодруулбал, хоёрдугаар сарын 28-ны өдөр 8 төрлийн түүх, соёлын дурсгалт зүйлс, гуравдугаар сарын 22-ны өдөр 48 төрлийн түүх, соёлын дурсгалт зүйлсийг зохион байгуулалттайгаар улсын хилээр хууль бусаар нэвтрүүлсэн хоёр удаагийн үйлдлийг илрүүлжээ.
Дээрх хэргүүдийн мөрдөн шалгах ажиллагаа үргэлжилж байгаа бөгөөд гэмт хэргийн бусад оролцогчдыг тогтоохоор ажиллаж байна.