Вьетнам засварын газруудад хугацаа дууссан бэлэн гоймон, хоол амтлагчийг тарааж, агуулахад хадгалж байна гэх мэдээллийн дагуу Баянзүрх дүүргийн 14 хороо, Консулын 18 гудамжинд байрлах "Баруун хөшөөт" ХХК-д хяналт шалгалт хийжээ. 

Шалгалтаар хадгалах хугацаа дууссан их хэмжээний бэлэн гоймон, хатаасан жимс, хоол амтлагч, 2 төрлийн бохь зэрэг хүнсний бүтээгдэхүүнийг стандартын шаардлага хангаагүй агуулах, чингэлэгт хадгалж байсан зөрчил илэрлээ. 

Иймд Зөрчлийн тухай хуулийн 6.15 дугаар зүйлийн 3.1 дахь хэсэгт зааснаар зөрчлийн хэрэг нээсэн бөгөөд хяналт шалгалт үргэлжилж байна.