Парис 2024 зуны олимпын марафон гүйлтийн эмэгтэй төрөл эхэлж тамирчид гараанаас гарлаа. 47 орны 91 тамирчин бүртгүүлсэн дунд Монголын шигшээ багийн тамирчин 33 настай Галбадрахын Хишигсайхан, 30 настай Баярцогтын Мөнхзаяа нар оролцож байна.

2016 оны Риогийн олимпод 2:43:55 хугацаагаар 72-р байр эзэлсэн, 2020 Токиогийн олимпод 2:37:08 хугацаагаар 45-р байр эзэлсэн Б.Мөнхзаяа энэ жил гурав дахь олимпдоо оролцож байна.

Уралдааны эхний 10 км-ын дараагаар Г.Хишигсайхан 16, Б.Мөнхзаяа 19-т бичигдэж байна.

15 км-ын дараагаар Б.Мөнхзаяа 51:46 хугацаагшаар 36-р байрт тэргүүлэгчээс 34 секундийн хойно, Г.Хишигсайхан 52:00 хугацаагаар 49-р байрт бичигдэж байна.

Замын эхний хагаст Б.Мөнхзаяа 1:14:21 хугацаагаар тэргүүлэгчээс 59 секунд хоцорч 37-р байрт, Г.Хишигсайхан 1:15:03 хугацаагаар 50-р байрт бичигдэж байна.

35 км-ын дараагаар Б.Мөнхзаяа 2:05:58 хугацаагаар тэргүүлэгчээс 6:15 хоцорч 76-р байрт, Г.Хишигсайхан 2:06:05 хугацаагаар 47-р байрт бичигдэж байна.

Нидерландын тамирчин Сифан Хассан 2:22:55 хугацаагаар түрүүлж олимпын дээд амжилт тогтоон алтан медаль хүртлээ.

42 км замын эцэст Б.Мөнхзаяа 2:33:27 хугацаагаар тэргүүлэгчээс 10:33 хоцорч 48-р байр, Г.Хишигсайхан 2:33:26 хугацаагаар 47-р байр эзэллээ.