Монгол Улсын Морин хуурын чуулгын “Сор бүтээлийн дээжис” хандивын тоглолт 2017 оны аравдугаар сарын 27, 28-ны өдрүүдэд Тусгаар тогтнолын ордны концертын танхимд зохион байгуулагдана. 

Морин хуурч, удирдаач, хөгжмийн зохиолч, Соёлын тэргүүний ажилтан Д.Түвшинсайхан тоглолтыг удирдах бөгөөд тус чуулгын үе үеийн сор болсон шилдэг бүтээлүүд хоёр үдшийн турш тайзнаа эгшиглэх аж. 

Морин хуурын чуулга нь нийгмийн хариуцлагынхаа хүрээнд "Цэцээ Гүн" Ротаракт клуб болон "Thanks man" ТББ-тай хамтран гурав дах жилдээ тус тоглолтыг зохион байгуулж байна. Тоглолтын бүх орлого "Цэцээ Гүн" ротаракт клубын хэрэгжүүлдэг “Хүн Бүр Сурах Эрхтэй” оюутны тэтгэлэгт хөтөлбөрийн санхүүжилтэд хандивлагдана. Залуусын боловсролыг дэмжих зорилготой уг тэтгэлэгт хөтөлбөр нь нийгмийн идэвхитэй, сурлага амжилтаараа манлайлагч оюутнуудадаас гадна хөгжлийн бэрхшээлтэй оюутнуудад чиглэгдэж буйгаараа онцлогтой.

Тоглолтын тасалбар www.ticket.mn сайт болон UB Art Gallery дахь LiliN Kungfu сургууль дээр 20 мянган төгрөгөөр худалдаалагдаж байна. Тоглолтын талаарх дэлгэрэнгүй мэдээллийг 88114226, 99127821 дугаараас аваарай.