Сэлэнгэ аймаг болон Дарханд урд шөнө 5 магнитудын хүчтэй газар хөдөлсөн талаар иргэд мэдээллээ.

Энэ талаар Онцгой байдлын ерөнхий газраас:

"Сэлэнгэ  аймгийн Түшиг сум, Ар-Нуга багийн “Байвын-Ам” гэдэг газар /сумын төвөөс хойд зүгт 3 км-т/ аравдугаар сарын 19-ний өдрийн 01:46 цагт 5.0 магнитудын хүчтэй газар хөдлөлт болсон тухай мэдээллийг Одон орон геофизикийн хүрээлэнгээс утсаар ирүүлсэн.

Тус аймгийн Онцгой байдлын газраар дамжуулан тус сумын Засаг даргын тамгын газрын даргаас тодруулахад мэргэжлийн ангийн дөрвөн хүний бүрэлдэхүүнтэй ажлын хэсэг сумын төвийн бүх барилгад үзлэг хийж, иргэдэд чичирхийлэл мэдрэгдсэн, хохирол учраагүй тухай мэдээллээ.

Газар хөдлөлтийн мэдээллийг Үндэсний аюулгүй байдлын зөвлөлийн гишүүд, ОБЕГ-ын удирдлагуудад багц мессежээр хүргэсэн" гэлээ.