Бүгд Найрамдах Өмнөд Судан улсад явагдаж буй НҮБ-ын мандаттай Энхийг сахиулах ажиллагааны VII ээлжинд 26 алба хаагч үүрэг гүйцэтгэхээр болжээ.

Энэ удаагийн ээлжинд Онцгой байдлын албаны 26 алба хаагч энхийг сахиулах ажиллагаанд үүрэг гүйцэтгэх бөгөөд алба хаагчдыг үдэх ажиллагаа өчигдөр боллоо.

Онцгой байдлын албаны алба хаагчид НҮБ-ын энхийг сахиулах ажиллагаанд 2012 оноос эхлэн тасралтгүй оролцож, 240 гаруй  алба хаагч дэлхийн энх тайвныг батлан хамгаалахад хүчин зүтгэжээ.

Алба хаагчид нэг жилийн хугацаатай үүрэг гүйцэтгэх бөгөөд Монгол Улсын Төрийн далбааг Онцгой байдлын албаны тугийг долдугаар ээлжийн бие бүрэлдэхүүнийг ахалж яваа ОБЕГ-ын харьяа Аврах тусгай ангийн Эрэн хайх, аврах ажиллагааны салбарын эмч, ахлах дэслэгч Ж.Хаш-Эрдэнэд гардан авлаа.

Эх сурвалж: Онцгой байдлын ерөнхий газар