Замын хөдөлгөөний ачааллыг харгалзан Бөхийн өргөөний уулзвараар зүүн эргэдэг болгох шийдвэр гарсан байна.

Нийслэлийн Засаг дарга өнөөдөр Зүүн эргэхийг хориглох ажлын хэсэгтэй уулзаж Бөхийн өргөөний уулзвараар зүүн гар тийш эргэх шийдвэрийг гаргажээ.

Холбогдох байгууллагуудын санал дүгнэлтийг үндэслэн Бөхийн өргөө бусад уулзварын ачааллыг харгалзан Энхтайваны өргөн чөлөөнөөс Токиогийн гудамж руу зүүн эргэх хөдөлгөөнийг нээхээр болжээ.

Маргааш өглөөнөөс эхлэн энэ шийдвэр хэрэгжиж эхлэх бөгөөд өнөөдөртөө багтаан зүүн гар тийш эргэхийг зөвшөөрсөн тэмдэг, тэмдэглэгээнд өөрчлөлт оруулна.

Бөхийн өргөөний уулзвараар зүүн эргэх болсонтой холбоотойгоор ямар нэг нэмэлт зардал гарахгүй, гэрэл дохиогоор зохицуулах юм байна.