Үндэсний их баяр наадмын нээлт, хаалт, бөхийн барилдааны тасалбарыг долоодугаар сарын 7-ны өдрөөс Соёлын төв өргөөний билетийн кассаар худалдаалахаар болжээ.

Төв цэнгэлдэх хүрээлэнд долоодугаар сарын 11-ний өдөр болох наадмын нээлтийн тасалбарын үнэ өмнөх жилүүдийнхтэй ижил 16, 24 мянган төгрөг, жуулчдад 25 ам.долларын үнэтэйгээр худалдаалах юм байна.

Харин 12-ны өдрийн тасалбарыг 12 мянган төгрөгийн үнэтэйгээр худалдаална хэмээн Үндэсний их баяр наадмыг зохион байгуулах хорооноос мэдээллээ.