Парис 2024 зуны олимпын жүдо бөхийн эмэгтэй -52 кг жингийн барилдаан өнөөдөр эхэллээ. Тус жинд Монголын шигшээ багийн тамирчин, залуучуудын дэлхийн аварга, Азийн аваргын хүрэл медальт 23 настай Лхагвасүрэнгийн Сосорбарам зодоглосон.

Тэрээр эхний барилдаанаа Испанийн 21 настай Европ тивийн мөнгө, хүрэл медальт Арианэ Торо Солертой барилдав.

Барилдаан эхлээд удалгүй хоёул барьц өгөлцөөгүй гэж торгуулсан бөгөөд удалгүй Л.Сосорбарам даралт авч цэвэр ялснаар шигшээ 16-д шалгарлаа.

Л.Сосорбарам шигшээ 16-д Европын аварга, мастерсын хүрэл медальт Унгарын 28 настай Река Папптай барилдана.

Л.Сосорбарам шигшээ 16-д Европын аварга, мастерсын хүрэл медальт Унгарын 28 настай Река Папптай барилдлаа. Хоёр тамирчин хоёул идэвхгүй барилдсан болон барьц өгөөгүй шалтгаанаар хоёр удаа торгуулиад байсан ба сүүлийн торгуул дэвжээнээс гарсан гэж Л.Сосорбарамд ирснээр ялагдаж тэмцээнээ дуусгалаа.