Венецийн дүрслэх урлагийн 57 дахь удаагийн олон улсын наадамд Монгол уран бүтээлчид өөрсдийн павильоныг нээж, хүний ёс жудаг, байгаль орчны асуудлыг Монголын жишээн дээр хөндөн “Lost in Tngri” буюу “Хөх Тэнгэрийн дор Төөрөгсөд” нэртэй хамтарсан үзэсгэлэнгээ дэлгэжээ.

Монгол Улсыг төлөөлөн уран бүтээлч Очирбатын Энхтайван, Ганболдын Мөнхболор, Цасчихэрийн Даваажаргал, Жаргалсайханы Болортүвшин болон Төрийн соёрхолт уран бүтээлч Шагдаржавын Чимэддорж нар оролцож байна. Мөн үзэсгэлэнгийн куратораар Хөх Нар төвийн захирал Ё.Далх-Очир ажиллаж байна.

Венецийн Биенналь тавдугаар сарын 13-наас арваннэгдүгээр сарын 26 хүртэл үргэлжилнэ.

Нээлтийн ажиллагааны зургуудаас танилцуулж байна.