НӨАТ-ын сугалааг энэ онд ч үргэлжлүүлэхээр болжээ. Гэхдээ супер шагналын санг 200 саяас 100 сая болгон бууруулсан байна. Сугалааг сард нэг удаа явуулах бөгөөд нэгдүгээр сарын тохирол хоёрдугаар сарын 19-нд болно.

Тэгэхээр иргэд НӨАТ-ын баримтуудаа цаг тухайд нь ebarimt.mn-д бүртгүүлэх шаардлагатай болж байна. Өнгөрсөн сарын худалдан авалтуудыг баримтжуулсан баримтууд дунд энэ сард сугалаа явуулах гэнэ.

Өнгөрсөн онд 19 удаа НӨАТ-ын сугалаа явуулж, 86 мянган иргэнд 3.6 тэрбум төгрөгийн хонжвор олгосон юм.