Номын хорхойтнууддаа зориулан Интерном дэлгүүрт борлуулалтаараа тэргүүлсэн номуудыг танилцуулдаг уламжлалтай.

Ширээний дараагийн номоо хараахан сонгоогүй бол өнгөрөгч долоо хоног тодруулбал, есдүгээр сарын 14-нөөс 20-ны хооронд ямар бүтээл борлуулалтаараа тэргүүлснийг танилцуулж байна.

Хичээлийн шинэ жил эхэлсэнтэй холбоотойгоор сурах бичиг энэ жагсаалтад давамгайлжээ.

1.Түүх VI – П.Дэлгэржаргал, У.Туяа, Б.Чинзориг, Д.Янжинжав

Түүх VI сурах бичгийг Ерөнхий боловсролын 12 жилийн сургуулийн VI ангид үзнэ.

2.Мэдээллийн технологи VI - П.Дэлгэржав, Л.Мөнхтуяа, Ш.Отгонцэцэг, Э.Оюунбилэг, С.Уянга, Д.Цэдэвсүрэн

Мэдээллийн технологи VI сурах бичгийг Ерөнхий боловсролын 12 жилийн сургуулийн VI ангид үзнэ.

3.Математик VI - Ж.Батболд, Т.Батчимэг, Н.Баянбилэг, Д.Даваасүрэн, Д.Түвшинжаргал, Э.Чойсүрэн

Математик VI сурах бичгийг Ерөнхий боловсролын 12 жилийн сургуулийн VI ангид үзнэ.

4.Дүрслэх урлаг VIII - А.Ариунболд, Б.Баттулга, С.Батцоож, З.Баярмагнай, Б.Галбадрах, Х.Доосүрэн, Д.Цэдэн-Иш

Дүрслэх урлаг VIII сурах бичгийг Ерөнхий боловсролын 12 жилийн сургуулийн VIII ангид үзнэ.

5.Oxford Monsudar Англи-Монгол толь бичиг

90000 гаруй үг хэллэг, 135 мянга гаруй орчуулга багтсан энэ толь дотроо англи хэлний хэлц, ярианы болон бичгийн хэллэгийг давхар хамарсан болно.

6.100 жилийн ганцаардал – Г.Маркес

Буэндигийнхний зургаан үеийн амьдрал ид шид, хувь тавилан, солиорол, улс төрийн үзэл баримтлал эсвэл зүүдний аль нь мэдэгдэхээ болих эргэлтүүд, хүний язгуур мөн чанарын илрэл зэрэг бичвэрийн сүлэлдээн уг зохиолын цөм болно.

7.Өөдөө тэмүүл – Ш.Сандберг

Энэ номоос та карьераа хэрхэн амжилттай удирдах, ар гэрээ ажил карьертайгаа хэрхэн хослуулж явах талаар олон гайхалтай зөвлөгөөг авах болно. Мөн ажлын байранд болон ар гэртээ эмэгтэйчүүдийг хэрхэн дэмжиж болохыг, энэ нь эргээд ямар ач холбогдолтойг эрчүүдэд тод томруунаар үзүүлжээ.

8.Хорхой хүргэм 300 дасгал, I – Г.Ганчимэг

Энэ номонд Ерөнхий боловсролын I ангийн сурагчдад зориулсан будах, зурах, холбох, олох, бичих, жиших зэрэг төрөл бүрийн маш сонирхолтой 300 дасгал багтжээ.

9.Би өөрөө , №173: 2-3 нас, 4-6 нас

3-6 насны хүүхдийн танин мэдэхүйг хөгжүүлэхэд туслах бичих, зурах, будах, цаасаар урлах, ялгааг олох, таах, нэрлэх даалгаварууд байхаас гадна монгол ёс зан заншлыг таниулах танин мэдэхүйн ач холбогдол бүхий эх, дуу, шүлэг, үлгэр энэ номонд багтсан байна.

10.Анна Каренина – Л.Толстой

Нөхөрт гарсан баян хатагтай Анна Каренинагийн жавхаалаг офицер Вронскийд өгсөн эмгэлэлт, нууц дурлалын түүхийг өөр нэгэн хос болох Константин Левин, Китти Щербацкая нарын аз жаргалтай, цэвэр ариун хайрын өнгөн дээр тод томруунаар ялган харуулна. Өнгөц харахад Аннагийн бүх зүйл бүтэмжтэй мэт, хэргэм язгуур өндөр эр нөхөр, хайрт хүү, эд хөрөнгө хийгээд ихэс дээдсийн хүрээлэлд өөрийн байр сууриа олсон гээд амьдралаас өөр юуг ч хүсэх вэ дээ гэмээр гял цал бууна. Гэвч сэтгэлийнх нь гүнд өчүүхэн гэмээр хоосон зай оршсоор ирсэн нь хайр сэтгэлийн аз жаргалд тэмүүлэх оргилуун хүслэн байлаа.

Та шилдэг борлуулалттай номын жагсаалтад орсон бусад ном болон үнийг ЭНД дарж дэлгэрэнгүйгээр харах боломжтой.