Үндэсний Статистикийн Хорооноос нийгэм эдийн засгийн зарим үзүүлэлтийг танилцууллаа. Энэ оны эхний найман сарын байдлаар хөдөлмөр эрхлэлтийн байгууллагад шинээр 76296 иргэн бүртгүүлсэн бол 68222 иргэн ажил хайхгүй байсаар хасагджээ.

Харин ажилд зуучлагдан орсон 14620 иргэн байгаа бөгөөд энэ нь өмнөх жилүүдийн мөн үетэй харьцуулахад буурсан үзүүлэлт юм байна.

Бүртгэлтэй ажилгүй иргэдийг боловсролын түвшингээр нь ангилахад 46,5 хувь буюу ихэнх  хувь нь бүрэн дунд боловсролтой, 29,2 хувь нь дээд боловсролтой, 7,3 хувь нь техникийн болон мэргэжлийн боловсролтой иргэд байна.